ABŞ-nin Miçiqan ştatında baş verən silahlı insidentdə beş nəfər həyatını itirib.
Oxu.Az-ın "Associated Press"ə istinadən verdiyi xəbərə görə, hüquq-mühafizə orqanları atışma barədə xəbərdarlıq aldıqdan sonra hadisə yerinə - yaşayış evinə yollanıb. Mənzildə üç nəfərin cəsədi və bir yaralı aşkar edilib, yaralı şəxs dərhal xəstəxanaya çatdırılıb.
Hadisəni törətməkdə şübhəli bilinən 39 yaşlı Çad Hikmanın axtarışı zamanı polis əməkdaşları başqa bir evdə dördüncü şəxsin cəsədini tapıblar.
Sonrakı mərhələdə polis Hikmanın avtomobilini meşəlik ərazidə müəyyən edib. Şübhəlinin və digər şəxsin cəsədləri nəqliyyat vasitəsinin yaxınlığında aşkar olunublar.
Hadisənin baş vermə səbəbləri hüquq-mühafizə orqanları tərəfindən araşdırılır.
Qaynar xətt:
(055) 224 12 12
