Qida vərdişlərinin dəyişməsi dünya üzrə iki milyard insanda artıq çəkinin yaranmasına səbəb olub.
Oxu.Az xəbər verir ki, bu barədə İqlim Dəyişikliyi üzrə Beynəlxalq qrupun hesabatında məlumat verilib.
Hesabatda əkinçiliyin və ərzaq məhsulları istehsalının da iqlim dəyişikliyinə təsiri haqqında məlumat da yer alıb. Sənəd dünya ölkələrini Yerdə tempraturun 1,5 dərəcədən artıq artmasının qarşısını almağa səsləyir.
“1961-ci ildən günümüzə qədər olan məlumatlara əsasən, bitki yağı və ət məhsullarından istifadə adambaşına istehlakına görə iki dəfə artıb. Qəbul edilən kalori isə üç dəfə artıb. Qida vərdişlərinin dəyişməsi isə iki milyard insanda piylənmə və artıq çəki ilə müşahidə olunur”, - deyə hesabatda bildirilir.
Alimlər qeyd edirlər ki, yerli ərzaq məhsullarının tətbiqi, istifadə olunmayan ərzaq məhsullarının sayının azalması, elektrik enerjisi və su istifadə edilmədən yetişdirilən meyvə-tərəvəz iqlim dəyişikliyinin qarşısını ala bilər. Hesabatın müəllifləri qeyd edirlər ki, istehsal edilən ərzaq məhsullarının 20-30 faizi ya itirilir, ya da atılır. Bu isə əlavə “faydasız” parnik qazlarının ətraf mühitə buraxılması deməkdir.
