Avropa İttifaqından Ermənistana texnika dəstəyi - VİDEO

Avropa İttifaqı (Aİ) tərəfindən Ermənistana məsafədən idarə edilən minaaxtaran maşın verilib.

Oxu.Az bu barədə erməni mediasına istinadən xəbər verir.

Məlumata görə, Aİ-nin İrəvana növbəti yardımı kimi verilən, ağırlığı 20 tona yaxın olan bu xüsusi texnika artıq ölkəyə gətirilib. Bildirilir ki, həmin avadanlıq respublika hüdudlarında riskli sayılan ərazilərdə humanitar məqsədli minatəmizləmə fəaliyyətinə dəstək verəcək.

Qeyd olunur ki, məsafədən idarə edilən iki ədəd minatəmizləmə texnikasından başqa İrəvan yaxın vaxtlarda zəruri tibbi ləvazimatlarla təchiz olunmuş daha iki təcili yardım avtomobili də əldə edəcək.

Bu avadanlıqlar həmçinin Azərbaycanla Ermənistan arasındakı dövlət sərhədinin demarkasiyası tədbirləri zamanı istifadə olunacaq.