Dünyanın ən varlı məşhuru rejissor Stiven Spilberqdir.
Bu barədə Oxu.Az "Forbes" jurnalına istinadla xəbər verir.
O, 5.3 milyard dollar sərvəti ilə jurnalın siyahısında birinci pillədə qərarlaşıb.
Reytinqin ikinci və üçüncü yerlərini müvafiq olaraq, rejissor Corc Lukas (5.1 milyard dollar) və keçmiş basketbolçu Maykl Cordan (3.5 milyard dollar) tutublar.
Ümumilikdə siyahıda 18 məşhurun adı var. Onların ümumi sərvəti 39 milyard dollar həcmində qiymətləndirilir.
