Ermənistan Azərbaycanla nəqliyyat kommunikasiyalarının təhlükəsizliyini şirkətlərə tapşıra bilər

"Ermənistan gələcəkdə Azərbaycanla olacaq nəqliyyat kommunikasiyalarının təhlükəsizliyinin təmin edilməsi funksiyalarını özəl şirkətlərə verilməsi imkanını nəzərdən keçirir".

Oxu.Az xəbər verir ki, bu sözləri Ermənistan xarici işlər nazirinin müavini Mnatsakan Safaryan deyib.

Onun sözlərinə görə, şirkətlər yalnız nəqliyyat kommunikasiyalarının təhlükəsizliyinə cavabdeh olacaqlar.

"Vergi və gömrük funksiyalarını Ermənistanın müvafiq xidmətləri həyata keçirəcək", - deyə Mnatsakan Safaryan vurğulayıb.