Ermənistanın Milli Təhlükəsizlik Xidmətinin (MTX) sərhədçiləri noyabrın 1-dən ölkəyə giriş və çıxış zamanı Ağrı dağının təsviri olmayan möhürlər vurmağa başlayıblar.
Oxu.Az-ın məlumatına görə, müvafiq video və fotomateriallar sosial şəbəkələrdə paylaşılıb.
Vətəndaşlar sosial şəbəkələrdə göstərirlər ki, möhürdə sadəcə təyyarə təsviri və ingiliscə İrəvanın "Zvartnots" beynəlxalq aeroportunun adı, həmçinin "Ermənistan" sözü erməni və ingilis dillərində yazılıb.
Ermənistan hökuməti sərhəd möhürlərindən Ağrı dağı təsvirinin çıxarılması haqqında qərarı hələ sentyabrın 11-də qəbul edib. Bu tədbir Türkiyənin erməni-türk münasibətlərinin normallaşması prosesi üzrə xüsusi nümayəndəsi Serdar Kılıçın ölkəyə səfərindən bir gün əvvəl həyata keçirilib.
