Hindistanda hicablı şagirdlərin məktəbə buraxılmamasından sonra başlayan gərginlik artmaqda davam edir.
Hadisələrdən sonra bir ştatın məktəblərində dərslər dayandırılıb.
Nobel Sülh Mükafatı laureatı Malala Yusufzai Hindistanın Karnataka ştatındakı dövlət məktəbində altı orta məktəb şagirdinin hicablı olduqları üçün dərsə buraxılmamasına sərt reaksiya verib.
Yusufzai “Twitter”də məktəbin qadağasını “dəhşətli” adlandırıb.
2012-ci ildə, 15 yaşında olarkən Pakistanda qızların təhsil hüququnu müdafiə edən məqalələrinə görə “Taliban” tərəfindən hücuma məruz qalan və ölümdən dönən Malala Yusufzai Hindistan liderlərini “müsəlman qadınları marjinallaşdırmağı dayandırmağa” çağırıb.
Mənbə: Hürriyet
