İmran Xana qarşı sui-qəsddə bir nəfər ölüb – YENİLƏNİB + VİDEO

Pakistanın keçmiş baş naziri İmran Xana qarşı Qucranvala rayonunda sui-qəsd nəticəsində bir nəfər ölüb, 13 nəfər yaralanıb.

Bu barədə Hindistanın NDTV telekanalı məlumat yayıb.

Qeyd edək ki, İmran Xan sağ ayağından aldığı yara ilə Lahordakı xəstəxanaya aparılıb.

Həkimlər siyasətçinin həyatına təhlükə olmadığı qənaətindədirlər.

Sui-qəsdə cəhd edən şəxs saxlanılıb, onun kimliyi açıqlanmır.

Xatıraladaq ki, İmran Xan 2018-2022-ci illərdə Pakistanın Baş naziri olub.

18:11

Pakistanın keçmiş Baş naziri İmran Xan sui-qəsd cəhdi zamanı ayağından 3-4 güllə yarası alıb.

Bu barədə onun partiyasının üzvləri məlumat veriblər.

Sabiq hökumət başçısı xəstəxanaya yerləşdirilib.

Onun yarasının yüngül olduğu bildirilib.

İmran Xana qarşı sui-qəsddə bir nəfər ölüb – YENİLƏNİB + VİDEO

18:18

Pakistanın keçmiş baş naziri İmran Xana sui-qəsdə cəhd edilib.

Belə ki, o, yürüş keçirən tərəfdarlarının atəşə tutulması zamanı ayağından yaralanıb.

Yerli KİV həmçinin onun partiyasının beşə qədər nümayəndəsinin yaralandığını yazır.

Cinayətkar saxlanılıb.

Xatırladaq ki, Pakistanda aprelin 10-da parlamentdə baş nazir İmran Xan və hökumətinə etimad səsverməsi keçirilib. Hökuməti etimad qazana bilmədiyi üçün Xan tutduğu vəzifədən azad edilib. Aprelin 11-də Şahbaz Şərif yeni baş nazir seçilib.