Əfqanıstanın paytaxtı Kabildə güclü partlayış baş verib.
Oxu.Az-ın xəbərinə görə, bu barədə "Əl-Ərəbiyyə" telekanalı məlumat verib.
Məlumata görə, Şəhr-e-Nau rayonunda baş verən partlayış nəticəsində bir neçə nəfər həlak olub, yaralılar var.
"Taliban"ın Daxili İşlər Nazirliyi məlumatı təsdiqləyib.
Şəhr-e-Nau rayonunda çox sayda xarici vətəndaş yaşayır və Kabilin ən təhlükəsiz rayonlarından biri hesab olunur.
