Kamala Harrisin planları məlum olub: Hansı vəzifəyə namizədliyini irəli sürəcək?

ABŞ prezidentliyinə keçmiş namizəd Kamala Harris 2026-cı ildə Kaliforniya qubernatoru postuna namizədliyini irəli sürmək niyyətindədir.

Oxu.Az-ın xəbərinə görə, bu barədə "The New York Times" nəşri mənbələrə istinadən məlumat verib.

2026-cı ildə hazırkı demokrat qubernator Qevin Nyusom vəzifəsini tərk edəcək.

Nəşrin məlumatına görə, Harris müttəfiqlərinə bildirib ki, Kaliforniya rəhbəri seçkisində uğurlu kampaniya ona ABŞ Prezidenti Donald Trampla mübarizəni davam etdirmək və demokratların prioritetlərini qorumaq üçün güclü mövqe təmin edəcək.

Harris, həmçinin həmkarlarına 2028-ci ildə yenidən prezidentliyə namizəd olmaq istəmədiyini də deyib.

"O bildirib ki, siyasi seçimi binar (ikili) xarakter daşıyır - o, qubernator və ya prezident postuna namizəd ola bilər, lakin hər ikisinə deyil", - deyə "The New York Times" yazıb.

Kamala Harrisin planları məlum olub: Hansı vəzifəyə namizədliyini irəli sürəcək?