Paşinyan və AİK rəhbəri regionda nəqliyyat kommunikasiyalarının açılmasını müzakirə ediblər

Ermənistanın baş naziri Nikol Paşinyan və Avrasiya İqtisadi Komissiyasının (AİK) rəhbəri Bakıtjan Saqintayev İrəvanda keçirilən görüşdə regionda nəqliyyat kommunikasiyalarının açılmasını müzakirə ediblər.

Bu barədə ölkə hökumətinin Mətbuat Xidməti məlumat yayıb.

Bildirilib ki, Ermənistan Nazirlər Kabinetinin “Sülh kəsişməsi” layihəsi çərçivəsində İrəvan ölkənin cənubu vasitəsilə Azərbaycan və Ermənistanı, eləcə də Azərbaycanın cənub-qərb rayonları ilə Naxçıvan Muxtar Respublikasını birləşdirəcək Meqri dəmiryolunu bərpa etməyə hazırdır.

Bu, gələcəkdə Ermənistanı Türkiyə ilə, Azərbaycanı Türkiyə və Gürcüstanla, həm də Azərbaycanı və Ermənistanı İranla birləşdirməyə imkan verəcək.

Mənbə: TASS