Rusiyanın Perm şəhərində ölkənin ən böyük neft emalı zavodlarından birində genişmiqyaslı yanğın baş verib.
Bu barədə Oxu.Az OSINT kanalına və sosial şəbəkələrdə şahidlərin paylaşımlarına istinadən xəbər verir.
Yanğın Rusiyanın ən iri neft emalı müəssisələrindən sayılan "LUKOYL-Permnefteorqsintez" zavodunu əhatə edib.
Sosial şəbəkə istifadəçiləri yanğının müəssisə ərazisinə endirilən zərbə nəticəsində baş verdiyini yazırlar.
Hələlik zavoda dəyən zərərin miqyası barədə dəqiq məlumat yoxdur.
Qeyd edək ki, iyulun 29-u səhər dronlar kütləvi şəkildə Rusiyanın Ryazan şəhərinə hücum edib, orada "Wildberries" marketpleysinin anbarı və yerli neft emalı zavodu yanıb.
Vilayətin qubernatoru şəhərin sənaye zonalarında yanğının baş verdiyini rəsmən təsdiq edib.
