Rumıniyalı yanğınsöndürən dəm qazından boğulan itin ürəyini masaj edərək və süni nəfəs verərək həyata qaytardı.
Oxu.Az bu barədə “Mashable” portalına istinadən xəbər verir.
Cümə günü Kostya Tudor tərəfindən “Facebook”da paylaşılan videoya bazar ertəsinə qədər 2 milyon baxış olub.
Rumıniyanın Piteşti şəhərində baş verən yanğında itin sahibi ağır yaralanıb və xəstəxanaya yatırılıb, heyvan isə yolun kənarında qalıb. Bunu görən yanğınsöndürən Kostyak Muqurel itə ilkin yardım göstərib. Daha sonra iti veterinar klinikaya aparıb.
Bu videodan sonra sosial şəbəkənin istifadəçiləri Muqurelə təşəkkür sözləri yazıblar.
“Mashable” qeyd edib ki, heyvanların süni nəfəsvermə ilə xilas edilməsi nadir haldır.
N.O.
www.oxu.az
