Stokholmda isveçli diplomat casusluq şübhəsi ilə saxlanılıb

İsveçli diplomat Stokholmda casusluq şübhəsi ilə saxlanılıb.

Oxu.Az-ın məlumatına görə, bu barədə SVT telekanalı mənbəyə istinadən xəbər verib.

Bildirilir ki, saxlanılan şəxs Xarici İşlər Nazirliyində, müxtəlif ölkələrdəki bir neçə səfirlikdə işləyib. Ehtimal olunan cinayət 1-11 may tarixləri arasında baş verib.

Diplomatın evində axtarış aparılıb.

"Bu şəxs günlər əvvəl əməliyyat nəticəsində saxlanılıb, iş istintaq mərhələsindədir", - deyə təhlükəsizlik polisindən bildirilib.

İlkin istintaqı İsveç Prokurorluğu yanında Milli Təhlükəsizlik İşləri Şöbəsi aparır. Təhlükəsizlik polisi işin casusluqla bağlı olduğunu təsdiqləyib, lakin əlavə məlumat verməyib.