Ağ Evin Oval Kabinetində ABŞ Prezidenti Donald Trampın iştirak etdiyi mətbuat konfransı tədbir iştirakçılarından birinin huşunu itirməsi səbəbi ilə yarıda kəsilib.
Oxu.Az xəbər verir ki, insidentin kadrları "Fox News" telekanalının efirində gedib.
ABŞ-nin dərman şirkəti "Eli Lilly"nin baş direktoru çıxış edərkən kamera iştirakçılardan birinə yönəlib. Həmin şəxs əlini ürəyinin üzərinə qoyaraq döşəməyə çöküb.
Digər iştirakçılar ona yardım göstəriblər və mətbuat nümayəndələrindən otağı tərk etmələrini xahiş ediblər.
Qeyd edilir ki, huşunu itirən şəxs "Novo Nordisk" şirkətinin nümayəndəsi Qordon Findley ola bilər. Hadisənin təfərrüatı barədə məlumat verilmir.
