Türkiyənin Siirt bölgəsində keçirilən əməliyyat zamanı xırda mal-qaranın qarın boşluqlarında gizlədilmiş metamfetamin narkotik maddəsi aşkarlanaraq müsadirə edilib.
Oxu.Az-ın xəbərinə görə, bu barədə ölkənin daxili işlər naziri Ali Yerlikaya özünün "X" hesabında məlumat verib.
"Vətəndaşlarımın bilməsini istəyirəm ki, hansı üsuldan istifadə etsələr də, zəhər tacirləri ilə mübarizəmiz amansız şəkildə davam edir", - deyə o bildirib.
Ali Yerlikaya, həmçinin əməliyyatla bağlı detalları da açıqlayıb.
"Siirt və Hakkari Narkotik Cinayətkarlıqla Mübarizə İdarələri və Hakkari Kəşfiyyat İdarəsinin qrupları tərəfindən aparılan koordinasiyalı əməliyyat zamanı Siirtin Baykan rayonunda saxlanılan bir yük maşınının qoşqusunda bəzi xırdabuynuzlu heyvanların qarın boşluqlarının yan hissəsində şübhəli tikiş izləri aşkar edilib. Diqqətli araşdırmalar nəticəsində 29 xırdabuynuzlu heyvanın qarın boşluqlarının içində professional şəkildə gizlədilmiş 54.6 kiloqram metamfetamin narkotik maddəsi ələ keçirilib", - deyə nazir qeyd edib.
Siirt’te Küçükbaş Hayvanların Karın Boşluklarının İçine Gizlenmiş Halde 54,6 kg Metamfetamin Uyuşturucu Maddesi ele geçirdik❗️
— Ali Yerlikaya (@AliYerlikaya) December 25, 2025
Vatandaşlarımın bilmesini isterim ki hangi yöntemi denerlerse denesinler, zehir tacirleriyle mücadelemiz amansız sürüyor, sürmeye de devam edecek!… pic.twitter.com/ZHAjqvXqjh
:640.jpg)
