Türkiyənin Tekirdağ vilayətinin Çorlu rayonunda silahlı qarşıdurmaya müdaxilə edən iki polis əməkdaşı açılan atəş nəticəsində həlak olub.
Oxu.Az xəbər verir ki, bu barədə "NTV" telekanalı məlumat yayıb.
Bildirilib ki, Çorlunun Rəşadiyə məhəlləsində yerləşən iş mərkəzində silahlı atışma ilə bağlı daxil olan məlumat əsasında əraziyə dərhal polis qüvvələri göndərilib. Lakin qrupdakı şəxslərdən biri hadisə yerində olan mülki geyimli asayiş keşikçilərinə atəş açıb.
Ağır yaralanan polis əməkdaşları hadisə yerində həyatını itirib. Əraziyə əlavə qüvvələr cəlb olunub. Təslim olmaqdan imtina edən hücumçu ilə polis arasında atışma başlayıb. Silahlı qarşıdurma nəticəsində şübhəli şəxs zərərsizləşdirilib.
Türkiyənin daxili işlər naziri Mustafa Çiftçi sosial şəbəkə hesabında "Millətimizin başı sağ olsun" sözləri ilə şəhid polislərin fotolarını paylaşıb.
