"Akkuyu" atom elektrik stansiyasının (AES) ilk reaktorunun işə salınması 2026-cı ilə planlaşdırılır, birinci enerji blokunun hazırlıq səviyyəsi 95%-dir".
Oxu.Az bildirir ki, bu barədə Türkiyənin enerji və təbii sərvətlər naziri Alparslan Bayraktar "Kanal 7" telekanalının efirində məlumat verib.
"Əvvəlcə bu işlərin 2025-ci ilin aprel ayına qədər başa çatdırılması planlaşdırılırdı, lakin pandemiya və bəzi avadanlıqların alınmasında yaranan siyasi maneələr səbəbindən gecikmələr oldu", - deyə Bayraktar bildirib.
Nazir vurğulayıb ki, "Akkuyu" AES-in bir reaktoru 5 000 meqavatlıq günəş elektrik stansiyasına bərabərdir: "Akkuyu"da inşa etdiyimiz gücü 1 200 meqavat olan reaktor bizə təxminən 5 000 meqavat gücündə günəş elektrik stansiyasının verdiyi qədər elektrik enerjisi təmin edəcək".
