Avropa Komissiyasının rəhbəri Ursula fon der Lyayen Ermənistanın paytaxtı İrəvana işgüzar səfər edib. O, bir gün əvvəl dövlət rəhbərliyi ilə danışıqlar apardığı Bakıdan birbaşa olaraq Ermənistana yollanıb.
Oxu.Az Ermənistan Nazirlər Kabinetinin Mətbuat Xidmətinə istinadla xəbər verir ki, hava limanında ali qonağı Ermənistan baş nazirinin müavini Mqer Qriqoryan qarşılayıb.
Səfər çərçivəsində Ursula fon der Lyayenin Ermənistanın baş naziri Nikol Paşinyanla rəsmi görüşü planlaşdırılır. Danışıqlar yekunlaşdıqdan sonra rəsmilərin mətbuat nümayəndələri üçün birgə bəyanat səsləndirəcəyi və media işçilərinin suallarını cavablandıracağı gözlənilir.
Qaynar xətt:
(055) 224 12 12
