UFC 28 mart tarixində yenidən Sietl şəhərinə qayıdır. Hazırda turnir üçün rəsmi olaraq elan edilmiş döyüşlər olmasa da, şəhərin statusu və mövcud vəziyyət bu tədbirin adi "Fight Night" turnirlərindən fərqli formatda təşkil olunacağını deməyə əsas verir.
Sietl UFC-nin hər zaman xüsusi diqqət göstərdiyi şəhərlərdən biri olub. Üstəlik, hazırda rosterdə geri dönməyə və ya aktiv olmağa hazır olan kifayət qədər tanınmış və yüksək səviyyəli döyüşçü mövcuddur. Bütün bunlar martın sonundakı gecənin güclü tərkibə malik olması üçün əlverişli zəmin yaradır.
UFC Fight Night: Burns vs Covington.
Məkan: Climate Pledge Arena, Sietl, Vaşinqton ştatı.
Əsas döyüş: Gilbert Börns - Kolbi Kovinqton.
Bu qarşılaşma Kovinqton üçün həlledici mərhələ sayıla bilər. Qələbə qazana bilmədiyi təqdirdə, bu döyüş onun əsas qarşılaşmalarda yer almaq üçün son real şansı kimi dəyərləndirilir. Sietl Kovinqton üçün faktiki olaraq "evə ən yaxın" arenadır. Börns ilə duel isə uzun müddətdir gözlənilən, keçmiş titul iddiaçılarını üz-üzə gətirən və güc balansı baxımından kifayət qədər bərabər görünən döyüşdür.
İkinci əsas döyüş: Cared Kanonir - Co Payfer.
Payfer üçün reytinq cədvəlində növbəti yüksəliş cəhdi məhz indi məntiqli görünür. UFC-nin ilin ilk rübündə nömrəli turnirlərlə zəngin təqvimi fonunda onu daha fokuslanmış "Fight Night" tədbirinə çıxarmaq riskləri azaltmaq baxımından düzgün addımdır. Kanonirin Sakit okean bölgəsi ilə əvvəlki bağlantıları var və bu qarşılaşma reytinq baxımından da təbii uyğunluq təşkil edir.
Seçilmiş döyüş: Norma Dumont - Culianna Penya.
İkiqat keçmiş çempion üçün doğma ştata dönüş, hələ də özünü tam təsdiqləmək istəyən yüksələn iddiaçıya qarşı baş tutur. Penya üçün bu döyüş yenidən ön sıralara qayıtmaq baxımından böyük əhəmiyyət daşıyır. Dumont isə məhz belə səviyyəli rəqiblərlə üz-üzə gələrək statusunu möhkəmləndirə bilər.
Əsas kart döyüşləri:
Uroş Mediç - Maykl Kieza
Adrian Yanez - Riki Simon.
Kieza bu turnirdə çıxış etməyi planlaşdırır. 77 kq çəki dərəcəsində asan döyüş demək olar ki, yoxdur. Lakin Mediç üslub baxımından Kieza üçün real qələbə yolu təqdim edən rəqiblərdən biridir. Mediçin Alyaska ilə əlaqələri də var və bu qarşılaşma onun üçün regiona ən yaxın "geri dönüş" döyüşü sayıla bilər.
Əsas kartın açılış döyüşü:
Roberto Romero - Tommi Makmillen.
Güclü prelim döyüşlər:
Mişa Teyt - Luana Santos
Bredi Hiestand - Felipe Lima
Bilal Hasan - Alessandro Kosta
Mandel Nallo - Çarli Kampbell
Ceimi-Lin Nort - JJ Aldrich
Çad Anheliger - Yu Su-Yanq
Kristian Stronq - Karlos Vera
Jag Bhullar - Allen Fray.
Bu quruluş Sietldə keçiriləcək UFC Fight Night turniri üçün həm yerli azarkeş marağını, həm də idman baxımından balansı qoruyan ideal model təqdim edir. Təcrübəli döyüşçülərlə yüksəliş mərhələsində olan adların eyni kartda toplanması martın 28-də baş tutacaq gecəni sıradan bir tədbirdən xeyli irəli çıxara bilər.
Bünyad Qaraxanlı
