Almaniya və İtaliyada təhsil alan azərbaycanlı dizayner Samir Sadıxov “Ferrari F40” avtomobilinin qeyri-rəsmi renderinin görüntülərini paylaşıb.
Oxu.Az-ın xəbərinə görə, dizayner layihə üzərində bir il işləyib.
Sadıxov minimalizm üslubuna üstünlük verərək avtomobilin interyerini və eksteryerinin göstərib.
“Avtomobil dizaynerləri üçün F40 dizayn ikonasıdır”, - Sadıxov deyib.
Mütəxəssis öz işində birbaşa nüsxələmə yox, modelin oxşarlığından istifadə edib. Dizayn ustası avtomobilə müasir interpretasiya verib.
Samir Sadıxov avtomobilin banının aerodinamik elementlərini xüsusi qeyd edib. Ekspertlərin fikrincə, arxa blok-fanarlar xüsusi diqqətə layiqdirlər. Dizayner maşının salonunu ayrıca işləyib.
