İdman Araşdırmalar Mərkəzi ilin yeddi qalibini mükafatlandırdı - FOTO

Bu gün İdman Araşdırmalar Mərkəzi (İAM) yeddinci dəfə ilin ən yaxşılarını müəyyənləşdirib.

Oxu.Az xəbər verir ki, Bakı Olimpiya Stadionunda keçirilən mükafatlandırma mərasimində yeddi nominasiya üzrə qalib müəyyənləşib.

Əvvəlcə İAM-ın rəhbəri Elşən Məmmədov çıxış edərək yeddinci dəfə bu tədbiri keçirdiklərini və idmançılarımızın il ərzində qazandıqları nəticələrdən danışıb.

O bildirib ki, qaliblər 56 idman jurnalistinin iştirak etdiyi səsverməyə əsasən müəyyənləşib. Həmin yeddi qalib bunlardır:

İlin idman xadimi - Mahir Məmmədov (FIDE-nin və Azərbaycan Şahmat Federasiyasının vitse-prezidenti)

İlin idman qurğusu - Bakı Olimpiya Stadionu

İlin futbolçusu - Emil Balayev (Milli komandamızın və Qazaxıstanın “Tobol” klubunun qapıçısı)

İlin əcnəbi futbolçusu - Abdullah Zubir (“Qarabağ”ın yarımmüdafiəçisi)

İlin komandası - Şahmat üzrə qadınlardan ibarət Azərbaycan millisi

İlin baş məşqçisi - Qurban Qurbanov (“Qarabağ”)

İlin idmançısı - Teymur Rəcəbov (şahmat)

Bundan başqa, xüsusi mükafatlar da verilib:

“Minsk 2019” II Avropa Oyunlarının Əməliyyat Komitəsində layiqincə təmsil etdiyi üçün - Samir Məzahir oğlu Məmmədov

Uşaq idmanının inkişafına verdiyi dəstəyə görə - Tofiq Heydərov

İlin ən çox kütləvi tədbir təşkil edən idman qurğusu - Şamaxı Olimpiya Kompleksi

Azərbaycan Premyer Liqasında 2018/2019 mövsümünün futbolçusu - Emin Mahmudov (“Neftçi”)

Səbuhi Musayev