Madrid “Atletiko”sunun sabiq məşqçisi “Neftçi”də

“Neftçi” PFK-nın məşqçilər korpusuna yeni təyinat olub. 

Oxu.Az xəbər verir ki, əsas komandanın fiziki hazırlıq üzrə məşqçisi vəzifəsini Mario Fernandes Kastelyano yerinə yetirəcək. 

34 yaşlı ispaniyalı mütəxəssislə mövsümün sonunadək müqavilə bağlanıb.

Qeyd edək ki, 2013-2015-ci illərdə “Bakı” klubunda işləmiş Mario Fernandes Kastelyano Madrid “Atletiko”sunun futbol akademiyasında (U-10-U-17, 2005-2010) və B komandasında (2010-2012), eləcə də, İspaniyanın “Xetafe” B (2015-2016) və Çinin “Dalyan İfanq” (2016-2018) klublarında çalışıb. UEFA-nın PRO kateqoriyasına malikdir.

Səbuhi Musayev