Qubanın bəzi yaşayış məntəqələrinə qar yağıb.
Oxu.Az APA-ya istinadən xəbər verir ki, rayonun Xınalıq kəndinə 4 sm, Qırıza 4 sm, Rükə 3 sm, Xaltana isə 1 sm qar yağıb.
Qusarın Ləzə kəndi ərazisində isə qarın hündürlüyü 4 sm-dir. Bəzi ərazilərdə temperatur mənfi 5 dərəcəyə enib.
Qeyri-sabit hava şəraiti aprel ayının 4-dək davam edəcək.
11:01
Ötən gün Lerik rayonuna yağan aprel ayı üçün xarakterik olmayan yağış, tədricən sulu qar və qara çevrilib. Rayonun mərkəzinə 5-6 sm, yüksək dağlıq ərazilərə isə 10 sm qar düşüb.
Oxu.Az xəbər verir ki, Lənkəran Regional Hidrometeorologiya Müəssisəsinin direktoru Cavid Hüseynovun Report-a verdiyi məlumata görə, aprel ayında bölgə ərazisində orta aylıq temperaturun iqlim normasından bir qədər yüksək, ayrı-ayrı yerlərdə isə iqlim normasına yaxın olacağı gözlənilir.
Hazırda yağıntılar Lerik-Yardımlı ərazisində üstünlük təşkil edir. Lerikdə isə aprel ayı olmasına baxmayaraq, bütün rayon ərazisində qarlı hava müşahidə olunur.
Mütəxəssislər hesab edir ki, aprel ayının ilk günlərində qarın yağması xarakterik olmadığı üçün ağacların çiçək açdığı dövrdə şaxtalı hava məhsuldarlığı aşağı salacaq.
Müəssisədən bildirilib ki, hazırda bölgədə hökm sürən qeyri-sabit hava şəraiti hələ bir neçə gün davam edəcək. Daha sonra isə havaların yenidən mülayimləşəcəyi, temperaturun 22- 27 dərəcəyədək yüksələcəyi gözlənilir.
Hidrometeoroloqun sözlərinə görə, hazırda Lənkəran-Astara bölgəsi çaylarında sululuq ongünlük normanın 10-50 faizini təşkil edir.
A.M.
