Böyük Britaniyada aviadispetçerlər iyulun 30-da London və digər şəhərlərin iri hava limanlarında uçuşların pozulmasına gətirib çıxaran texniki problem barədə məlumat veriblər.
Oxu.Az bu barədə "Sky News" telekanalına istinadla xəbər verir.
Məlumata görə, problem "NATS Swanwick" hava hərəkətini idarəetmə mərkəzində texniki nasazlıq səbəbindən əmələ gəlib.
Bildirilir ki, Qetvik aeroportundan heç bir uçuş həyata keçirilməyib. Oxşar vəziyyət Londonun ən böyük hava limanı olan Hitrou, həmçinin Edinburq və Mançester hava limanlarında da yaranıb.
Texniki nasazlığın bir müddət sonra aradan qaldırıldığı və sistemin işinin bərpa edildiyi vurğulanır.
