"Con Uik"dəki kor qatil barədə yeni film çəkilə bilər

"John Wick 4" və "Ip Man" filmlərinin ulduzu Donni Yenin personajı - kor qatil Keyn haqqında yeni film çəkilə bilər.

Oxu.Az xəbər verir ki, bu barədə aktyor "Collider"ə müsahibəsində danışıb.

"Düşünürəm ki, studiya da yeni filmin olmasını istəyir. Film mümkündür, indi deyə biləcəyim tək şey budur. Bəli, biz layihəni müzakirə edirik və yaxında bunun nə olacağını görəcəyik", - aktyor bildirib.

"Mən başa düşürəm ki, üzərimə böyük məsuliyyət düşür və pərəstişkarları ruhdan sala bilmərəm. Mən yeni filmə orijinal nə isə gətirməyə çalışacağam və bunun üçün əlimdən gələni edəcəyəm", - o əlavə edib.