Əlcəzair 12 fransız diplomatını ölkədən çıxarır

Əlcəzair hakimiyyəti 12 fransız diplomatı ölkədən çıxarmaq qərarına gəlib.

Oxu.Az "Le Figaro" qəzetinə istinadən xəbər verir ki, bu barədə Fransanın xarici işlər naziri Jan-Noel Barro məlumat verib.

"Əlcəzair hakimiyyəti 12 əməkdaşımızdan 48 saat ərzində ölkə ərazisini tərk etməyi xahiş edib", - deyə nazir bildirib.

Məlumata görə, söhbət Fransa Daxili İşlər Nazirliyinə bağlı inzibati və diplomatik işçilərdən gedir. Barro əlavə edib ki, Əlcəzair Fransa ərazisində cinayət törətməkdə şübhəli bilinən üç vətəndaşının Parisdə saxlanmasına cavab olaraq diplomatlarını ölkədən çıxarır. Onların aprelin 11-də saxlanıldığı bildirilir.

O qeyd edib ki, Əlcəzairin bu addımı cavabsız qalmayacaq.