"ABŞ-nin İslamabad memorandumu çərçivəsində öz öhdəliklərinin icrasına yenidən başlaması Yaxın Şərq regionunda vəziyyətin sabitləşməsinə təkan verə bilər".
Oxu.Az TASS-a istinadən xəbər verir ki, bu fikirləri İranın xarici işlər naziri Abbas Əraqçı yaponiyalı həmkarı Tosimitsu Motegi ilə telefon danışığı zamanı səsləndirib.
"Çıxış yolu sadədir: ABŞ tərəfinin öz öhdəliklərinə qayıtması və İslamabad qarşılıqlı anlaşma memorandumuna atdığı imzanın arxasında durması vəziyyətin normal məcraya dönməsi üçün zəmin yaradacaq", - deyə nazir bildirib.
Bununla yanaşı, Əraqçı yaponiyalı həmkarına Hörmüz boğazı ilə bağlı Oman və İran arasında aparılan danışıqların son mərhələləri barədə məlumat verib. O, həmçinin gəmilərin boğazdan keçməsi üçün müvəqqəti marşrutun müəyyən edilməsi istiqamətindəki məsləhətləşmələrdə mühüm nailiyyətlərin əldə olunduğunu diqqətə çatdırıb.
