"GTA VI" video oyununun buraxılış tarixi yekun olaraq təsdiqlənib. Oyun 19 noyabr 2026-cı ildə çıxacaq.
Oxu.Az-ın xəbərinə görə, bu barədə "Take-Two" şirkəti rəsmi olaraq öz maliyyə hesabatında elan edib.
Eyni zamanda vurğulanıb ki, başqa heç bir təxirəsalma planlaşdırılmır.
Şirkətin baş direktoru Ştraus Zelnikin sözlərinə görə, "GTA VI"ya həsr olunan reklam kampaniyası bu yay start götürəcək. Üçüncü treylerin dərc olunması gözlənilir. Bu xəbərlərdən sonra "Take-Two Interactive"in səhmləri təxminən 7% artıb.
Qeyd edək ki, seriyanın altıncı hissəsinin buraxılış tarixi iki dəfə təxirə salınıb, ilkin olaraq 2025-ci ilin payızından 2026-cı ilin may ayına, daha sonra isə 19 noyabr 2026-cı ilə.
Oyunun beşinci hissəsi 13 il əvvəl çıxıb və dünyada ən çox satılan ikinci oyun olub (185 milyon nüsxədən çox). Birinci yerdə "Minecraft" (300 milyondan çox) qərarlaşıb.
