HƏMAS liderinin ölümü TƏSDİQLƏNDİ: BMT pasportu, konfetlər və böyük məbləğdə pul

Fələstinin HƏMAS hərəkatı yeni seçilmiş liderləri Yəhya Sinvarın ölümünü təsdiqləyib.

Oxu.Az-ın "Al-Jazeera"ya istinadla verdiyi məlumata görə, bu barədə hərəkatın siyasi bürosunun müavini Xəlil əl-Həyyə bəyan edib.

"Komandan Sinvarın və ondan əvvəlki liderlərin şəhid olması yalnız hərəkatımızın gücünü və möhkəmliyini artıracaq", - deyə əl-Həyyə bildirib.

13:00

Fələstin HƏMAS hərəkatının siyasi bürosunun rəhbəri Yəhya Sinvarın məhv edilməsi işində yeni faktlar üzə çıxıb. Belə ki, HƏMAS liderinin ölümü zamanı onun üzərində BMT-nin Fələstinli Qaçqınlara Yardım və İşlərin Təşkili üzrə Yaxın Şərq Agentliyinin (UNRWA) əməkdaşının pasportu aşkar edilib.

Oxu.Az-ın verdiyi məlumata görə, bu barədə "The Jerusalem Post" qəzetində xəbər verilib.

Bundan əlavə, Sinvarın şəxsi əşyaları arasında "Mentos" konfetləri və böyük məbləğdə pul - 40 min şekel (təxminən 10.7 min dollar) tapılıb.

Xatırladaq ki, Yəhya Sinvar oktyabrın 16-da İsrail hərbçilərinin Qəzza zolağının cənubunda keçirdiyi əməliyyat zamanı məhv edilib. SAXAL onun öldürülməsindən əvvəlki son dəqiqələrinin videosunu öz "Telegram" kanalında paylaşıb.