İtaliyanın baş naziri Ciorcia Meloni hökuməti Ukraynaya qoşun göndərilməsi ilə bağlı davam edən fikir ayrılıqlarına görə dağılma riski ilə üzləşib.
Oxu.Az xəbər verir ki, bu barədə "Politico" məlumat verib.
Məqalə müəlliflərinin fikrincə, səbəblərdən biri Ukrayna məsələsi ilə bağlı iki partiya - "Liqa" və "İrəli, İtaliya!" arasında mübahisədir. Onların hər ikisi hakim koalisiyanın üzvləridir. Birinci partiyanın lideri Matteo Salvini Avropa İttifaqı (Aİ) qoşunlarının Ukraynaya göndərilməsinin əleyhinədir, ikinci partiyanın lideri Antonio Tayani isə əksinə, Aİ-nin təşəbbüslərinin dəstəklənməsinin tərəfdarıdır.
"Meloninin hökuməti İtaliya standartlarına görə qeyri-adi dərəcədə sabit olsa da, o, Salvini ilə Tayani arasında sparrinqə nəzarət etmək məcburiyyətindədir", - deyə qəzet yazıb.
Məqalənin müəllifləri qeyd edirlər ki, Meloni hökumətdəki qeyri-sabitliyə görə xarici siyasət ritorikasını tənzimləməlidir.
