Almaniya Kansleri Fridrix Merts "dron divarı" layihəsinin Avropa İttifaqı fondlarından maliyyələşdirilməsi ideyasını dəstəkləmir.
Oxu.Az xəbər verir ki, bu barədə məlumatı "Politiko" nəşri öz mənbələrinə istinadla yayıb.
Bildirilir ki, Almaniya kansleri bu fikri Kopenhagendə "Avropa Siyasi Birliyi" sammitində bağlı qapılar arxasında söyləyib və təklifi "çox kəskin" ifadələrlə tənqid edib.
Lakin bəzi siyasətçilər layihənin yalnız adına irad tutaraq onun reallaşdırılması ideyasını dəstəkləyiblər. Məsələn, Avropa Komissiyasının müdafiə və kosmos məsələləri üzrə komissarı Andryus Kubilyusun fikrincə, "divar" sözü yanlış başa düşülə bilər. Komissar İkinci Dünya müharibəsi dövründə Almaniyanın minimum itkilərlə dəf etdiyi Fransa müdafiə qurğularını nəzərdə tutaraq ümidvar olduğunu bildirib ki, layihə "yeni Majino xəttinə" çevrilməyəcək.
