Rusiyanın Ryazan vilayətinin Şilovski rayonunda barıt zavodunda baş vermiş partlayış və yanğın nəticəsində ölənlərin sayı 25-ə çatıb.
Oxu.Az-ın xəbərinə görə, bu barədə TASS-a Rusiya Fövqəladə Hallar Nazirliyinin Mətbuat Xidmətindən məlumat verilib.
"Hadisə yerində təcili xilasetmə işləri zamanı daha bir şəxsin cəsədi çıxarılıb. Xəsarət alanların ümumi sayı 158 nəfərdir, onlardan 25-i ölüb", - deyə məlumatda qeyd edilib.
Qeyd edək ki, daha əvvəl ölənlərin sayının 23, xəsarət alanların 134 olduğu bildirilirdi.
