Qırğızıstan paytaxtı Bişkekdə Şanxay Əməkdaşlıq Təşkilatının (ŞƏT) zirvə görüşü işinə başlayır.
Oxu.Az xəbər verir ki, bu barədə Qırğızıstan prezidentinin ofisi məlumat yayıb.
Bildirilib ki, ŞƏT-ə üzv dövlətlərin liderləri təşkilatın rəhbərlərinin Zirvə toplantısına qatılmaq məqsədilə artıq "İrıs Ordo" Konqres mərkəzindədirlər.
Sammitin işində iştirak etmək üçün Belarus Prezidenti Aleksandr Lukaşenko, Hindistanın Baş naziri Narendra Modi, İran Prezidenti Məsud Pezeşkian, Qazaxıstan Respublikasının Prezidenti Kasım-Jomart Tokayev, Pakistanın Baş naziri Şahbaz Şərif, Tacikistan Prezidenti Emoməli Rəhmon, Özbəkistan Prezidenti Şavkat Mirziyoyev, Çin Sədri Si Cinpin və Rusiya Prezidenti Vladimir Putin gediblər.
Dövlət liderlərini Qırğızıstan Respublikasının Prezidenti Sadır Japarov salamlayıb.
Qarşılanma mərasimindən və ailə fotosu çəkdirildikdən sonra nümayəndə heyətlərinin rəhbərləri sammitdə iştirak etmək üçün iclas zalına yollanıblar.
