ABŞ Prezidenti Donald Trampın gündəliyində bu gün Ukrayna Prezidenti Volodimir Zelenski və İsrailin Baş naziri Binyamin Netanyahu ilə görüşlər qeyd olunub.
Oxu.Az xəbər verir ki, bu məlumatı "Roll Call" nəşri yayıb.
Donald Trampın Ukrayna prezidenti ilə görüşünün Bakı vaxtı ilə 17:30-da, İsrailin baş naziri ilə isə 19:00-da keçirilməsi nəzərdə tutulur.
Bundan öncə Ağ Ev nümayəndəsi bildirmişdi ki, Tramp iyulun 28-də keçiriləcək görüşdə Zelenski ilə Ukraynadakı münaqişənin sülh yolu ilə həllini müzakirə edəcək. Həmçinin "Reuters" agentliyi Vaşinqtonla Kiyev arasında mümkün "hava atəşkəsi" barədə danışıqların aparıldığını yazmışdı. Rusiya tərəfi isə bu məsələdə rəsmi açıqlamaları gözləməyin zəruriliyini vurğulayıb.
Trampın sözlərinə görə, münaqişənin həlli gözlənildiyindən daha yaxındır və o, atəşkəsə nail olmaq üçün öz dəstəyini verməyə hazır olduğunu bildirib.
