Fransa və Mərakeş millilərinin tərəfdarları fransalıların DÇ-2026-da qələbəsini Paris küçələrində birgə qeyd ediblər. Gözləntilərin əksinə olaraq, azarkeşlər arasında heç bir ciddi qanun pozuntusu olmayıb.
Oxu.Az xəbər verir ki, bu barədə TASS məlumat yayıb.
2022-ci il dünya çempionatının (DÇ-2022) yarımfinalında bu komandaların matçından sonra azarkeşlərin törətdiyi iğtişaşları nəzərə alan Fransa hökuməti küçələrdə təhlükəsizliyi təmin etmək üçün 20 min polis və jandarm cəlb edib.
Onlardan 8 mini məhz Parisdə xidmət aparıb. Bu addım həm Mərakeş millisinin fanatlarının iştirakı ilə mümkün iğtişaşlar, həm də ifrat sağçı fəalların onlara hücum etmə ehtimalı barədə daxili kəşfiyyatın proqnozları ilə əlaqədar atılıb.
Qeyd edək ki, DÇ-2026-nın 1/4 final oyununda Fransa millisi Mərakeş komandasına 2:0 hesabı ilə qalib gəlib. Bu nəticə ilə Fransa turnirin yarımfinalına vəsiqə qazanıb, Mərakeş yığması isə dünya çempionatında çıxışını başa vurub.
