"Neftçi" qapıçısı Rza Cəfərovu "Qəbələ" komandasına icarəyə verib.
Oxu.Az xəbər verir ki, bu barədə klubun mətbuat xidməti məlumat yayıb.
Bakı klubu R.Cəfərovun müqaviləsinin müddətini 2027/2028 mövsümünün sonunadək artıraraq, hər hansı bir satınalma şərti olmadan bu mövsümün sonunadək "Qəbələ" klubuna icarəyə verilib.
Qeyd edək ki, 2022/23-cü illər mövsümündən "Neftçi"nin şərəfini qoruyan gənc qolkiper bu müddət ərzində 63 rəsmi oyuna çıxıb.
