UEFA Çempionlar Liqasının əsas mərhələsində altıncı turun doqquz oyunu keçirilib.
Oxu.Az xəbər verir ki, turun mərkəzi görüşü "İnter" və "Liverpul" komandaları arasında baş tutub.
İngiltərə təmsilçisi son dəqiqələrdə Soboslainin penaltidən vurduğu qolla səfərdən üç xalla qayıdıb - 0:1.
UEFA Çempionlar Liqası: "Qalatasaray" səfərdə, "İnter" isə evdə bir qolla uduzdular
Maraqla gözlənilən matçlardan biri "Monako" - "Qalatasaray" dueli olub. Görüşün taleyini bir qol həll edib. Baloqun "Monako"ya qələbə qazandıran qolu vurub - 1:0.
Digər görüşlərdə aşağıdakı nəticələr qeydə alınıb:
"Kayrat" - "Olimpiakos" - 0:1;
"Bavariya" - "Sportinq" - 3:1.
"Atalanta" - "Çelsi" - 2:1;
"Barselona" - "Ayntraxt Frankfurt" - 2:1;
PSV - "Atletiko Madrid" - 2:3;
"Royal Union" - "Marsel" - 2:3;
"Tottenhem" - "Slaviya Praqa" - 3:0.
