2025-ci ilin yanvar-noyabr ayları ərzində müvəkkil banklar tərəfindən istehlakçılara qaytarılmış ƏDV-nin həcmi 172 milyon 323.4 min manat olub.
Oxu.Az Dövlət Vergi Xidmətinə istinadən xəbər verir ki, hesabat dövründə xarici vətəndaşlar tərəfindən respublika ərazisində fərdi istehlak üçün alınmış mallara görə dövlət büdcəsindən qaytarılmış ƏDV-nin ("tax free") məbləği isə 9 milyon 819.7 min manat təşkil edib.
Qeyd edək ki, neft və qaz məhsulları, avtomobillər, alkoqollu içkilər və tütün məmulatları istisna olmaqla pərakəndə ticarət və ya iaşə fəaliyyəti göstərən şəxslərdən alınmış mallara, teatr tamaşaları, film nümayişi, muzey ziyarəti və simfonik orkestrin konserti sahəsində, habelə tibb müəssisələri və özəl tibbi praktika ilə məşğul olan fiziki şəxslər tərəfindən göstərilən tibbi xidmətlərə görə ödənilmiş ƏDV-nin müəyyən həcmi istehlakçılara geri qaytarılır.
