“Qərbi Abşeron” yatağında yeni quyu istismara verildi

Bu günlərdə “Qərbi Abşeron” yatağındakı 20 saylı stasionar dəniz özülündən 22 nömrəli quyu horizontal qazmadan sonra istismara verilib.

Bu barədə Dövlət Neft Şirkətindən (SOCAR) Oxu.Az-a bildirib. 

““Azneft” İB “Abşeronneft” Neft və Qazçıxarma İdarəsinin sifarişi ilə Qirməki Lay Dəstəsinə qazılmış quyu elektrik dalma nasosu üsulu ilə məhsul verib, 829-679 metr intervaldan sutkalıq 20 ton neft hasilatı ilə istismar fonduna qəbul edilib” - deyə, SOCAR-dan qeyd edilib. 

Qeyd edək ki, SOCAR-dan onu da bildiriblər ki, horizontal qazma üsulu müasir texnika və texnologiyalardan istifadə edilməklə, həmçinin süzgəclərin buraxılması hesabına məhsuldarlığı artırır və hasilatın sabit saxlanılmasına zəmin yaradır. 

Ülviyyə R. Əli
www.oxu.az