"Oskar" üfüqləri genişləndirir: 2027-ci ildən yeni nominasiya üzrə mükafat təqdim olunacaq

Amerika Kino Sənəti və Elmləri Akademiyasının İdarə Heyəti "Oskar" mükafatı çərçivəsində kaskadyor fəndlərinin qurulması sahəsində nailiyyətlərə görə yeni nominasiya təqdim edir.

Oxu.Az-ın məlumatına görə, bu barədə akademiya bəyanat yayıb.

Fəndlərin qurulması sahəsində nailiyyətlərə görə "Oskar" mükafatı 2027-ci ildə buraxılan filmlərə, 100-cü mükafatlandırma mərasimindən başlayaraq təqdim ediləcək. İştirak və səsvermə qaydaları daha sonra elan ediləcək.

Qeyd olunur ki, kaskadyorlar illərdir onlar üçün ayrıca nominasiyanın yaradılmasını təbliğ edirdilər.

Hazırda fənd qurucuları "Oskar" çərçivəsində xüsusi mükafatlarla təltif olunurlar.