Azərbaycanı “Eurovision”da Çingiz təmsil edəcək? - YENİLƏNİB + VİDEO

Ötən gün sosial mediada “Eurovision-2019” beynəlxalq mahnı müsabiqəsində müğənni Çingiz Mustafayevin Azərbaycanı təmsil etməsi ilə bağlı məlumat yayılıb.

Müsabiqənin Azərbaycan üzrə nümayəndə heyətinin rəhbəri Hüsniyə Məhərrəmova Instagram hesabında məlumatları təkzib edib:

“Dostlar, sizə xəbərim var - “Eurovision-2019” Azərbaycan təmsilçisi hələ də seçilməyib. İctimai Televiziya həm iştirakçı, həm mahnı seçimlərini hələ də davam etdirir. Səbirli olun. Yalan və təsdiqlənməmiş məlumatları bizim dostlarımız “İnfe Azərbaycan”a çatdıran adamlara isə ar olsun ”.

01:00

“Eurovision 2019” mahnı yarışması üçün Azərbaycan seçimləri yekunlaşıb. Ölkəmizi bu nüfüzlu beynəlxalq müsabiqədə təmsil edəcək finalçının adı açıqlanıb.

Oxu.Az xəbər verir ki, bu haqda müsabiqənin rəsmi səhifəsi “Infe Azerbaijan” məlumat dərc edib.

Ölkəmizi bu il İsraildə gənc və istedadlı müğənni Çingiz Mustafayev təmsil edəcək.

2019-cu ilin may ayında İsrailin paytaxtı Təl-Əvivdəki “Ekspo” Mərkəzində keçiriləcək müsabiqədə 42 ölkə iştirak edəcək. Yarışmanın yarımfinalları mayın 14-də və 16-da, final isə mayın 18-də baş tutacaq. Təmsilçimiz 16 mayda keçiriləcək ikinci yarımfınalın ikinci hissəsində səhnəyə çıxacaq.

“Eurovision-2019” mahnı müsabiqəsinin şüarı “Dare to Dream” (“Arzulamağa cürət et”) olacaq. İsrail təmsilçisi Netta Barzilay “Toy” (“Oyuncaq”) mahnısı ilə ötən il keçirilən mahnı müsabiqəsinin qalibi olub.

Qeyd edək ki, ölkəmizi bəynəlxalq yarışmada təmsil edəcək Ç. Mustafayev ATV-də yayımlanan “Yeni ulduz” mahnı müsabiqəsinin qalibi olub. İfaçı məhz bu yarışmadan sonra peşəkar və böyük səhnəyə ayaq açıb.

Azərbaycanı “Eurovision”da Çingiz təmsil edəcək? - YENİLƏNİB + VİDEO

Rəşad Əliyev