ABŞ-də alov apokalipsisi: Los-Ancelesin yanmış səhraya çevrilən elit rayonunun drondan görüntüsü

ABŞ-nin Kaliforniya ştatında dağıdıcı meşə yanğınları davam edir. Sosial şəbəkələrdə təbii fəlakətin dron vasitəsilə törətdiyi dağıntıların görüntüləri yayılıb.

Oxu.Az-ın verdiyi məlumata görə, bu barədə kadrları "NBC News" kanalı yayıb.

Videoda bir zamanlar möhtəşəm malikanələrlə dolu və yaşıllığa qərq olan küçələrin qalın tüstü ilə əhatə olunmuş yanmış səhraya çevrilməsi əks olunub.

Qeyd edək ki, kadrlarda Los-Ancelesin nüfuzlu "Pacific Palisades" yaşayış məntəqəsi əks olunub. Bu məhəllədəki təbii fəlakət aktrisa Ceymi Li Kertis, Mendi Mur, jurnalist Mariya Şrayver, aktyor Mark Hemill və digər məşhurları evlərini tərk etməyə məcbur edib.

Yanğının miqyası, həmçinin kosmosdan çəkilən görüntülərdə əks olunub.

Daha bir kadrı rusiyalı kosmonavt Aleksandr Qorbunov Beynəlxalq Kosmik Stansiyadan çəkib.

Xatırladaq ki, meşə yanğınları yanvarın 7-də cənubi Kaliforniyada başlayıb. ABŞ Prezidenti Co Bayden ştatda fövqəladə vəziyyət rejimi elan edib. Los-Ancelesdə Hollivud yaxınlığındakı rayonların sakinlərinin təxliyəsi barədə əmr verilib. Son məlumatlara görə, yanğınlar nəticəsində ölənlərin sayı 10 nəfərə çatıb.