ABŞ "Sezar qanunu" çərçivəsində Suriyaya qarşı sanksiyaların fəaliyyətini dayandırıb, lakin Rusiya və İrana qarşı sanksiyaları qüvvədə saxlayıb.
Oxu.Az xəbər verir ki, bu barədə ABŞ-nin Maliyyə Nazirliyi məlumat verib.
Nazirliyin yaydığı yazılı bəyanatda qeyd olunur ki, "Sezar qanunu" çərçivəsində sanksiyaların tətbiqi 180 gün müddətinə qismən dayandırılıb.
Müvafiq qərarı ABŞ-nin dövlət katibi Marko Rubio qəbul edib. Lakin bu, Rusiya və İran hökumətlərinin iştirakı ilə müəyyən əməliyyatlara, mal, texnologiya, proqram təminatı və xidmətlərin, həmçinin Rusiya və İran mənşəli pul vəsaitləri və maliyyələşdirmənin ötürülməsi və ya təqdim edilməsinə şamil edilmir.
