Birləşmiş Millətlər Təşkilatında cümə günü Merkator proyeksiyasının Afrikanın daha dəqiq təsvir edildiyi xəritə ilə əvəz olunması barədə qətnamə səsverməyə çıxarılacaq. Bu təklifə Afrika İttifaqına daxil olan 54 ölkə tərəfindən dəstək verilib.
Oxu.Az xəbər verir ki, bu məlumat BMT Baş Assambleyasının sənədlərində yer alıb.
Sənədlərdə diqqətə çatdırılır ki, əvvəllər BMT-də bəzi detallar unudularaq tarixin yenidən yazılmasına cəhdlər edilirdisə, hazırda dünya xəritəsinin yenidən tərtib olunması gündəmdədir.
Vurğulanmalıdır ki, BMT Baş Assambleyasının qətnamələrinin icrası hüquqi baxımdan məcburi deyil, lakin müsbət səsvermə nəticəsində tədris proqramları və müvafiq texnologiyalar yenilənə bilər.
Qaynar xətt:
(055) 224 12 12
