Kiyevdə Ukrayna Təhlükəsizlik Xidmətinin binasına dron zərbəsi endirilməsi nəticəsində beş nəfər yaralanıb.
Oxu.Az xəbər verir ki, bu barədə Kiyev meri Vitali Kliçko bildirib.
O qeyd edib ki, xəsarət alanlardan dörd nəfər xəstəxanaya yerləşdirilib, lakin onların xüsusi xidmət orqanlarının əməkdaşları olub-olmadığını dəqiqləşdirməyib.
Rusiya PUA-sı (pilotsuz uçuş aparatı - dron) Ukrayna Təhlükəsizlik Xidmətinin Kiyevin Vladimirski küçəsində, Müqəddəs Sofiya Katedralının qarşısında yerləşən mərkəzi binasına zərbə endirib.
Oxu.Az-ın xəbərinə görə, bu barədə Ukrayna Prezidenti Volodimir Zelenski öz "Telegram" kanalında məlumat verib.
Zelenskinin sözlərinə görə, dron birbaşa Ukrayna Təhlükəsizlik Xidmətinin rəhbəri Aleksandr Pokladın kabinetinə yönəldilib.
"Mən Ukrayna Təhlükəsizlik Xidmətinin rəhbəri Aleksandr Pokladla danışdım. Təəssüf ki, Rusiya dronu yerləşən Ukrayna Təhlükəsizlik Xidmətinin Vladimirski küçəsində, Müqəddəs Sofiya Katedralının qarşısında əsas binasına zərbə endirdi. Bütün fövqəladə xidmətlər hadisə yerindədir. Bütün zərərçəkənlərə lazımi yardım göstəriləcək. Mən Poklada tapşırıq verdim ki, hər şey hazır olduqdan sonra rusiyalılara adekvat, hiss olunan dərəcədə və mümkün olduğu qədər güzgü effektində cavab verilsin. Hərbçilərimiz bu cavabı dəstəkləyəcəklər. Ukraynaya eşq olsun!", - deyə Zelenski bildirib.
