Kabil İslamabadla sülh münasibətlərinin tərəfdarıdır, lakin lazım gələrsə, öz təhlükəsizliyini müdafiə etməyə hazırdır.
Oxu.Az xəbər verir ki, bunu Hindistanda səfərdə olan Əfqanıstanın xarici işlər naziri Əmir Xan Müttəqi deyib.
"Biz Pakistanla sıfır gərginlik və dinc münasibətlər istəyirik. Lakin münasibətlər düzgün idarə olunmasa, biz təhlükəsizliyin necə təmin olunacağını da bilirik", - deyə IANS Müttəqidən sitat gətirib.
O əlavə edib ki, Pakistan Əfqanıstanı təqsirləndirmək əvəzinə öz məntəqələrinə nəzarət etməlidir.
Qeyd edək ki, ötən günlərdə Əfqanıstanla Pakistan arasında sərhəd münaqişəsi baş verib. Silahlı toqquşmalarda hər iki tərəfdən onlarla hərbçi həlak olub.
