İndoneziyanın Mərkəzi Yava əyalətində güclü yağış səbəbindən baş verən torpaq sürüşməsi nəticəsində ölənlərin sayı 15 nəfərə çatıb.
Oxu.Az xəbər verir ki, bu barədə "Antara" agentliyi yerli xilasetmə xidmətlərinə istinadən məlumat yayıb.
Qeyd olunur ki, səkkiz nəfər hələ də itkin düşmüş hesab olunur. Hava şəraitinin yaxşılaşması ilə əlaqədar xilasedicilər axtarış əməliyyatını gücləndiriblər.
Xatırladaq ki, keçən həftə Mərkəzi Yavada güclü yağışdan sonra islanmış yamac uçduqdan sonra bir neçə yaşayış evi tamamilə qalın torpaq qatı altında qalıb. Noyabr ayının sonuna qədər ərazidə fövqəladə vəziyyət rejimi tətbiq edilib.
