İranda tələbə qızlar üçün yeni hicab qaydaları tətbiq ediləcək.
Oxu.Az "Azad İran" "Telegram" kanalına istinadən xəbər verir ki, bu barədə İran Elm və Səhiyyə Nazirliyi məlumat yayıb.
Universitetlər üçün yeni hicab qaydaları tezliklə açıqlanacaq. Ali təhsil müəssisələri ilə intensiv görüşlər bu sahədə birgə qərarın hazırlanmasına səbəb olub.
İran rəhbərinin universitetlər üzrə nümayəndəliklər təşkilatının mədəniyyət işləri şöbəsinin müdir müavini Səid Kərəmi məsələ ilə bağlı açıqlama verib:
"Mövcud qaydaların tətbiqindən sonra hicabsızlıqla bağlı küçələrdə müşahidə etdiyimiz acı halları universitetlərdə görməyəcəyik".
Qeyri-rəsmi məlumatlarda yeni qaydaların universitetlərdə qız tələbələr arasında məcburi hicab qaydalarının sərtləşdirilməsi ilə bağlı olduğu bildirilib.
