Monako istintaq orqanları Reveren Per Lui Frolla küçəsində yerləşən yaşayış binasında baş vermiş partlayışı törətməkdə şübhəli bilinən şəxsin kimliyini müəyyənləşdiriblər.
Oxu.Az xəbər verir ki, bu barədə AFP agentliyi Monako Baş Prokurorluğuna istinadən məlumat yayıb.
"Həbs qətimkan tədbiri ilə bağlı order verilib və artıq bu axşam şübhəli şəxs barəsində İnterpolun "qırmızı bülleteni" yayımlanacaq", - deyə agentlik prokurorluğun bəyanatından sitat gətirib.
Xatırladaq ki, daha əvvəl "Le Figaro" qəzeti partlayışı törətməkdə şübhəli bilinən şəxsin Almaniyada yaşayan Ukrayna vətəndaşı olan bir qadın ola biləcəyini yazmışdı.
Qeyd edək ki, iyunun 29-da Monakoda yaşayış binasının girişində baş vermiş partlayış nəticəsində üç nəfər yaralanıb.
Qaynar xətt:
(055) 224 12 12
